საერთაშორისო უფლებადამცველმა ორგანიზაციამ Human Rights Watch საკუთარ გვერდზე ტელეკომპანია “რუსთავი 2”-თან დაკავშირებით სპეციალური განცხადება გაავრცელა. განცხადებაში ორგანიზაცია დეტალურად აღწერს ტელეკომპანიის გარშემო განვითარებულ მოვლენებს, მათ შორის, აღნიშნავს ადამიანის უფლებათა ევროპული სასამართლოს გადაწყვეტილებას, საქართველოს უზენაესი სასამართლოს დადგენილების დროებით შეჩერების შესახებ.
“მთავრობის სურვილი “რუსთავი 2″-ის სარედაქციო პოლიტიკა შეცვალოს, საქართველოში მედია პლურალიზმს სერიოზულ დარტყმას მიაყენებს და ოპოზიციური ხედვების საზოგადოებისათვის გაცნობას შეუშლის ხელს” – Human Rights Watch-ის დირექტორმა გიორგი გოგიამ განაცხადა. მისი თქმით, ტელეკომპანიის ირგვლივ განვითარებული პროცესები მედიის თავისუფლებას და სასამართლო ორგანოების დამოუკიდებლობას უქმნის საფრთხეს და სამომავლო შესწავლას საჭიროებს.