საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, გუდაური-კობის მონაკვეთზე მსუბუქი ავტოტრანსპორტის მოძრაობა აღდგა.
მათივე ცნობით, ზვავსაშიშროების რეჟიმი მოიხსნა და ჩატარებული გაწმენდითი სამუშაოების შედეგად, მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე მსუბუქი ავტოტრანსპორტის მოძრაობა ორმხრივ რეჟიმში აღდგა.
ამასთან, საავტომობილო გზების დეპარტამენტის ინფორმაციით, ლიპყინულის გამო, გუდაური-კობის მონაკვეთზე მოძრაობის აკრძალვის რეჟიმი მისაბმელიანი და ნახევრადმისაბმელინი ავტოტრანსპორტის გადაადგილებაზე რჩება და მოძრაობას საპატრულო პოლიცია არეგულირებს.
