გოლეთიანი: არ ვცდილობთ ფიზიკურ დაპირისპირებაში შევიდეთ, მაგრამ ეს არ ნიშნავს, რომ გულხელდაკრეფილები ვიდგებით

“ჩვენ არ ვცდილობთ ფიზიკურ დაპირისპირებაში შევიდეთ, მაგრამ ეს არ ნიშნავს იმას, რომ გულხელდაკრეფილები ვიდგებით და არ გავაკეთებთ არაფერს”, – ამის შესახებ “რიონის ხეობის მცველების” წარმომადგენელმა ვარლამ გოლეთიანმა გუმათში განაცხადა.

გოლეთიანის თქმით, აქციაზე ორი ადამიანი დააკავეს.

„ორი ადამიანი დააკავეს. დაკავება მოხდა ზოგადად მიწოლის პროცესში. ბოლო პერიოდი მე ვაკეთებ მოწოდებას, რომ დავიხიოთ უკან, რადგან ქალები იყვენ აქ და შესაძლებელია ვინმეს საფრთხე შექმნოდა. ჩვენ არ ვცდილობთ ფიზიკურ დაპირისპირებაში შევიდეთ, მაგრამ ეს არ ნიშნავს იმას, რომ გულხელდაკრეფილები ვიდგებით და არ გავაკეთებთ არაფერს. იმისთვის , რომ ერთხელ და სამუდამოდ შევძლოთ გადასვლა ამ ბარიკადის მეორე მხარეს, ყველაფერს გავაკეთებთ მშვიდობიან ფორმაში“ , – განაცხადა გოლეთიანმა.

რეკლამის ბანერი
წინა სტატიაშიდაკავებულები იზოლატორში გადაჰყავთ – ომბუდსმენის წარმომადგენელი
შემდეგი სტატიამეცნიერები: კოვიდ-19 გადატანილებს, შესაძლებელია, იმუნიტეტი მთელი ცხოვრება ჰქონდეთ