გიორგობის ბრწყინვალე დღესასწაული ზუგდიდის დევნილთა ახალ ჩასახლებაში მცხოვრებმა მოზარდებმა საკმაოდ ორიგინალურად გაატარეს. აფხაზეთის მთავრობის წარმომადგენელმა სამეგრელო-ზემო სვანეთის რეგიონში, ნონა უბილავამ სოციალურად დაუცველ ბავშვებს საჩუქრები ჩაუტანა. მისი თქმით, „გამომდინარე უწყების შესაძლებლობებიდან , ვცდილობ გაჭირვებული ოჯახებისთვის დახმარება სოციალური ქსელის საშუალებით მოვიპოვო. გეტყვით, რომ ამ მეთოდმა გაამართლა. ძალიან ბევრი მეგობარი გამომეხმაურა. შეგროვებულ ტანსაცმელს, ფეხსაცმელს¬¬ თუ საკვებ პროდუქტებს პირველ რიგში ვურიგებთ მათ, ვისაც ყველაზე მეტად სჭირდება.
დღეს კი დახმარებასთან ერთად გავმართეთ მინი ტურნირი ჭადრაკში, შაშში და მკლავჭიდში. ძალიან ბევრი მათგანისთვის ყოველდღიური ყოფა სიცოცხლის გადასარჩენად ბრძოლას წარმოადგენს“ – აცხადებს უბილავა.