გიორგი მარგველაშვილი – პარტიული ცხოვრებით აქამდეც არ მიცხოვრია და დავით უსუფაშვილს ვუთხარი, რომ მომავალშიც არ ვაპირებ

თაიმერი timer.ge
ავტ.: თაიმერი timer.ge აგვისტო 1, 2018 16:08

გიორგი მარგველაშვილი – პარტიული ცხოვრებით აქამდეც არ მიცხოვრია და დავით უსუფაშვილს ვუთხარი, რომ მომავალშიც არ ვაპირებ

მნიშვნელოვანი

  • ნათელია, რომ მე პარტიული ცხოვრებით არ მიცხოვრია აქამდე და დავით უსუფაშვილს ვუთხარი, რომ მომავალშიც არ ვაპირებ პარტიული ცხოვრებით ცხოვრებას, - ამის შესახებ საქართველოს პრეზიდენტმა გიორგი მარგველაშვილმა პრეზიდენტის ადმინისტრაციაში გამართულ პრესკონფერენციაზე განაცხადა.

სხვა სტატიები

ნათელია, რომ მე პარტიული ცხოვრებით არ მიცხოვრია აქამდე და დავით უსუფაშვილს ვუთხარი, რომ მომავალშიც არ ვაპირებ პარტიული ცხოვრებით ცხოვრებას, – ამის შესახებ საქართველოს პრეზიდენტმა გიორგი მარგველაშვილმა პრეზიდენტის ადმინისტრაციაში გამართულ პრესკონფერენციაზე განაცხადა.

პრეზიდენტის განცხადებით, „შენების მოძრაობის“ ლიდერ დავით უსუფაშვილთან შეხვედრა ჰქონდა საპრეზიდენტო არჩევნებში პარლამენტის ყოფილი თავმჯდომარის შეთავაზებასთან დაკავშირებით.

„დავით უსუფაშვილთან მქონდა არაერთი შეხვედრა. აგრეთვე მქონდა შეხვედრა სხვა პოლიტიკოსებთან, „თავისუფალ დემოკრატებთან“. ბატონი დავითი გეგმავს პარტიის შექმნას. ნათელია, რომ მე პარტიული ცხოვრებით არ მიცხოვრია აქამდე და მე მას ვუთხარი, რომ მომავალშიც არ ვაპირებ პარტიული ცხოვრებით ცხოვრებას. ბატონმა დავითმა სავარაუდოდ ეს იგულისხმა თავის განცხადებაში. ძალიან საინტერესო შეხვედრა იყო. ბატონი დავითის შეფასება ქვეყანაში სისტემურ პრობლემებზე, ინსტიტუტების შესუსტებაზე, პოლიტიკური ცხოვრების შესუსტებაზე, ასევე იმაზე, რა როლი შეიძლება ვითამაშოთ თითოეულმა ჩვენგანმა ქვეყნის გაძლიერებში, თქვენ ეს იცით და მათ ძირითად ნაწილს ვიზიარებ. თუმცა ამ ეტაპზე, პოლიტიკური პარტიის მშენებლობა და პოლიტიკური პარტიის მშენებლობის პარალელურად ამ ტაქტიკით ერთად მოძრაობა, მე ვთქვი, რომ ამ ეტაპზე, ჯერ-ჯერობით, ამისთვის მზად არ ვარ“, – განაცხადა გიორგი მარგველაშვილმა.
შეგახსენებთ, დავით უსუფაშვილმა განაცხადა, რომ პრეზიდენტი გიორგი მარგველაშვილი არ არის დაინტერესებული პარტიულ-პოლიტიკური გრძელვადიანი საქმიანობით და მათი ერთობა ვერ შედგა, თუმცა თავად უსუფაშვილი საპრეზიდეტო არჩევნებში მონაწილეობას აუცილებლად მიიღებს.

თაიმერი timer.ge
ავტ.: თაიმერი timer.ge აგვისტო 1, 2018 16:08

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,285
ვიზიტორი
დღეში
Powered By Google Analytics