უზენაესმა სასამართლომ ე.წ. ციანიდის საქმეზე საკასაციო საჩივარი დაუშვებლად სცნო

თაიმერი timer.ge
ავტ.: თაიმერი timer.ge აგვისტო 1, 2018 16:15

უზენაესმა სასამართლომ ე.წ. ციანიდის საქმეზე საკასაციო საჩივარი დაუშვებლად სცნო

მნიშვნელოვანი

  • დეკანოზი სასამართლომ 5 სექტემბერს დამნაშავედ სცნო და 9 წლით თავისუფლების აღკვეთა შეუფარდა. ამასთან, მოსამართლის გადაწყვეტილებით, დეკანოზს ბრალი გადაუკვალიფიცირა და მამა გიორგი მამალაძე შურისძიების მოტივით მკვლელობის მომზადებაში სცნო დამნაშავედ.

სხვა სტატიები

უზენაესმა სასამართლომ ე.წ. ციანიდის საქმეზე საკასაციო საჩივარი დაუშვებლად სცნო. სასამართლომ ზეპირი მოსმენის გარეშე არ მიიღო წარმოებაში დეკანოზ გიორგი მამალაძისა და პროკურატურის საჩივრები და პირველი ინსტანციის განაჩენი, რომლითაც ე.წ. ციანიდის საქმეზე დეკანოზს თავისუფლების აღკვეთა შეეფარდა, ძალაში დატოვა.
როგორც ჟურნალისტებს დეკანოზის ადვოკატმა გიორგი ფანცულაიამ განუცხადა, ამ გადაწყვეტილებით, უზენაესმა სასამართლომ განაჩენი არა მამა გიორგი მამალაძეს, არამედ ქართულ მართლმსაჯულებას გამოუტანა.

„როგორც აღმოჩნდა უზენაეს სასამართლოს იმის დამოუკიდებლობის ხარისხიც კი არ აღმოაჩნდა, რომ უბრალოდ, როგორც მინიმუმ ჩვენთვის მოესმინა, წარმოებაში მიეღო საქმე და ამის შემდგომ შეეფასებინა პირველი და მეორე ინსტანციის განაჩენი სწორი იყო თუ არასწორი, კანონიერი თუ უკანონო. აქედან გამომდინარე, ვიტყვი, რომ ამ გადაწყვეტილებით უზენაესმა სასამართლომ არა დეკანოზ გიორგი მამალაძეს გამოუტანა განაჩენი, არამედ ქართულ მართლმსაჯულებას და შესაბამისად, მიიღებენ ყველაზე მწარე სილას სტრასბურგის სასამართლოსგან, რაც კი ადამიანის უფლებათა ევროპულ სასამართლოს შეფასება გაუკეთებია ქართული მართლმსაჯულების მიმართ. ყველა სამართლებრივი საფუძველი არსებობდა, რომ ის უკანონო საქმე, რომელიც ყველამ დაინახა, თუ როგორი შეკერილია, მიეღო წარმოებაში, მინიმუმ მოესმინა მხარეებისთვის და მაქსიმუმ სწორი და კანონიერი განაჩენი გამოეტანა“, – განაცხადა ფანცულაიამ.

ადვოკატის ინფორმაციით, სტრასბურგის ადამიანის უფლებათა ევროპულ სასამართლში წარსადგენ სარჩელზე მუშაობა უკვე დაწყვებულია და დეკანოზი საქართველოს წინააღმდეგ სარჩელს იმაზე უფრო ადრე შეიტანს, ვიდრე სარჩელის წარდგენის ვადები ითვალისწინებს.

დეკანოზ გიორგი მამალაძეს პროკურატურა შორენა თეთრუაშვილის მკვლელობის მომზადებას ედავება. მას ბრალი თავდაპირველად მკვლელობის მომზადებისა და იარაღის უკანონო შეძენა-შენახვაში ედებოდა, თუმცა მოგვიანებით პროკურატურამ მას ბრალი დაუმძიმა და ანგარებით განზრახ მკვლელობის მომზადების მუხლში გადაუკვალიფიცირა. საგამოძიებო უწყების ვერსიით, არსებული მატერიალური და იერარქიული მდგომარეობის შენარჩუნებისა და მომავალში კარიერული წინსვლის უზრუნველსაყოფად, დეკანოზმა გიორგი მამალაძემ ანგარებით განიზრახა ძლიერმოქმედი მომწამვლელი ნივთიერების ციანიდის გამოყენებით შორენა თეთრუაშვილის მკვლელობა.
დეკანოზი სასამართლომ 5 სექტემბერს დამნაშავედ სცნო და 9 წლით თავისუფლების აღკვეთა შეუფარდა. ამასთან, მოსამართლის გადაწყვეტილებით, დეკანოზს ბრალი გადაუკვალიფიცირა და მამა გიორგი მამალაძე შურისძიების მოტივით მკვლელობის მომზადებაში სცნო დამნაშავედ.

ამასთან, პირველი ინსტანციის სასამართლოს გადაწყვეტილება სააპელაციო სასამართლომ ძალაში უცვლელად დატოვა.

თაიმერი timer.ge
ავტ.: თაიმერი timer.ge აგვისტო 1, 2018 16:15

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics