გიორგი გუგავა – ოპოზიციური პოლიტიკური ფორმატი შეკრებილია და მათ შორის არის „ნაციონალური მოძრაობაც“

თაიმერი timer.ge
ავტ.: თაიმერი timer.ge თებერვალი 8, 2020 20:16

გიორგი გუგავა – ოპოზიციური პოლიტიკური ფორმატი შეკრებილია და მათ შორის არის „ნაციონალური მოძრაობაც“

ჩვენ ოპოზიციურ ძალებთან ურთიერთობა გვაქვს ოპოზიციურ ფორმატში, რომელიც იმართება „ლეიბორისტული პარტიის“ ოფისში, მათ შორის არის „ნაციონალური მოძრაობაც“ და იმის იქით სხვა მოლაპარაკებები არ გვქონია, – ამის შესახებ „ლეიბორისტული პარტიის“ წევრმა, გიორგი გუგავამ განაცხადა.

როგორც გიორგი გუგავამ აღნიშნა, ოპოზიციური პოლიტიკური ფორმატი შეკრებილია და მათ შორის არის „ნაციონალური მოძრაობაც“, მათი მთავარი მიზანი კი პროპორციული არჩევნები და ოლიგარქიული რეჟიმის დასრულებაა.

„ამ ბრძოლაში, რაც უფრო მეტი პერსონა, ფიგურა და ძალა ჩაერთვება, ეს ბუნებრივია კარგია და ჩვენ ერთიანი ძალებით უნდა შევძლოთ იმ უბედურების გათავისუფლება, რომელმაც მრავალი უკანონობა დაატეხა ამ ხალხს, ამ ქვეყანას და კითხვის ნიშნის ქვეშ დააყენა ჩვენი სახელმწიფოებრიობა და სუვერენიტეტი. ჩვენ ოპოზიციურ ძალებთან ურთიერთობა გვაქვს ოპოზიციურ ფორმატში, რომელიც იმართება „ლეიბორისტული პარტიის“ ოფისში, მათ შორის არის „ნაციონალური მოძრაობაც“ და იმის იქით სხვა მოლაპარაკებები არ გვქონია“, – განაცხადა გიორგი გუგავამ.

საქართველოს ყოფილმა პრეზიდენტმა, მიხელ სააკაშვილმა განაცხადა, რომ პირველი მარტიდან „სააკაშვილის საპრეზიდენტო ბიბლიოთეკის“ ბაზაზე საკუთარი შტაბის გახსნას გეგმავს.

თაიმერი timer.ge
ავტ.: თაიმერი timer.ge თებერვალი 8, 2020 20:16

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,030
ვიზიტორი
დღეში
Powered By Google Analytics