გიგი წერეთელმა ეუთოს საპარლამენტო ასამბლეის ლიდერებთან ონლაინ შეხვედრა გამართა

თაიმერი timer.ge
ავტ.: თაიმერი timer.ge სექტემბერი 6, 2020 19:35

გიგი წერეთელმა ეუთოს საპარლამენტო ასამბლეის ლიდერებთან ონლაინ შეხვედრა გამართა

ეუთოს საპარლამენტო ასამბლეის პრეზიდენტი, ფრაქცია „ევროპული საქართველოს“ თავმჯდომარე, გიგი წერეთელი ორგანიზაციის ლიდერებს ონლაინ ფორმატში ესაუბრა. საუბარი შეეხო იმ გამოწვევებს, რომელიც ამ ეტაპისთვის ეუთოს წინაშეა. აღინიშნა, რომ პანდემიის პირობებში არ მოხერხდა თანამშრომლობის გაღრმავება კონფლიქტების მოგვარების მიმართულებით. ამის მაგალითი იყო სამხედრო კონფლიქტი აზერბაიჯანსა და სომხეთს შორის. ასევე, საქართველოში მიმდინარე აქტიური ბორდერიზაციის პროცესი და ოკუპირებულ ტერიტორიაზე მცხოვრები მოქალაქეების შევიწროება. თუმცა აღინიშნა, რომ ბოლო თვის განმავლობაში შედარებით სიმშვიდე არის აღმოსავლეთ უკრაინაში, რაც გარკვეული ოპტიმიზმის საფუძველს იძლევა.

გიგი წერეთლის განცხადებით, ეუთო კიდევ უფრო აქტიურად უნდა ჩაებას ბელარუსში მიმდინარე მოვლენების დეესკალაციისა და დიალოგის ხელშეწყობის პროცესში. მისი ინფორმაციით, ბოლო პერიოდში შედგა საუბრევბი ბელარუს პოლიტიკოსებთან და ასევე ოფოციალურ განცხადებაშიც აისახა საპარლამენტო ასამბლეის პოზიცია. ძალისმიერი მეთოდების მიუღებლობის, ბელარუსის ხელისუფლების მიერ აღებული საერთაშორისო ვალდებულებების შესრულებისა და ეუთოს პრინციპებთან შესაბამისობის აუცილებლობის შესახებ. ასევე იგეგმება დელეგაციის ვიზიტი მინსკში, რაზეც მიმდინარეობს მოლაპარაკებები ხელისუფლების შესაბამის წარმომადგენლებთან.

შეხვედრის მონაწილეებმა დადებითად შეაფასეს პანდემიის დაწყებიდან პირველი საარჩევნო სადამკვირვებლო მისიის ორგანიზება მონტენეგროს საპარლამენტო არჩევნებზე. შეხვედრაზე ასევე იმსჯელეს საარჩევნო სადამკვირვებლო პროცესში არსებულ სირთულეებსა და დაგეგმილ აქტივობებზე, მათ შორის პრიორიტეტულად საქართველოსა და აშშ-ში დაგეგმილი არჩევნების მონიტორინგის საკითხზე.

შეხვედრაში მონაწილებდნენ აშშ სენატის, კონგრესის, ბუნდესტაგის, შვედეთის, ნორვეგიის, დიდი ბრიტანეთის, ალბანეთის, კვიპროსის დეპუტატები და ეუთო-ს საერთაშორისო სამდივნოს ხელმძღვანელები.​

თაიმერი timer.ge
ავტ.: თაიმერი timer.ge სექტემბერი 6, 2020 19:35