დეპუტატის კი არა ნებისმიერი ადამიანის უკანონოდ მოსმენა და ამის ნაციონალური მაუწყებლით გავრცელება ძალიან ბევრ პრობლემაზე მიუთითებს ჩვენს ქვეყანაში. მარტივად, რომ ვთქვათ ეს ყველაფერი არის სამარცხვინო. ისე კი ყველას რომ გვისმენენ ამაზე დიდი ხანია ვლაპარაკობთ. ამის დასაბუთებას კი წლებია უკვე მთავრობა და მასთან დაკავშირებული ჯგუფები თავისით აკეთებენ. ჩვენ ამაზე რესურსის დახარჯვაც კი არ გვჭირდება. დარწმუნებული ვარ ეს ფაქტი შესაბამისად შეფასდება, მათ შორის, იმ საერთაშორისო ორგანიზაციების მიერ, რომლებიც საქართველოში არჩევნებს აკვირდებიან. ცხადია პოლიტიკოსი ქალის უკანონო მოსმენა და თვალთვალი კიდევ უფრო მძიმე ფაქტია. მგონი აზრიც არ აქვს, რომ გამოძიება მოვითხოვოთ-წერს ეკა გიგაური.