ფრაქცია „ძლიერი საქართველოსთვის“ თავმჯდომარემ ბიძინა გეგიძემ იურიდიულ საკითხთა კომიტეტის თავმჯდომარის მოვალეობის შემსრულებლად დავით მათიკაშვილის კანდიდატურას მხარი არ დაუჭირა.
მიზეზზე გეგიძე დეტალებზე არ საუბრობს. მხოლოდ ამბობს, რომ მისი გადაწყვეტილება არსებული ვითარებიდან გამომდინარე ლოგიკური იყო.
„ხმა პირიქით რომ მიმეცა, მკითხავდით? არ ვიყავი მომხრე. თუ პროცესს აკვირდებით, ნახავთ, რომ ჩემი პოზიცია ლოგიკური იყო. ვის რა დამოკიდებულება და შეფასება ჰქონდა, ამაზე ჩემი გადაწყვეტილება ლოგიკური იყო“, – განაცხადა გეგიძემ.
