ევროპის წამლების სააგენტო ევროპის მოქალაქეებს, რომელთაც სისხლის იშვიათი დაავადება აქვთ კორონავირუსის საწინააღმდეგო ვაქცინა “ასტრა-ზენეკას” გაკეთებას არ ურჩევს. საუბარია კონკრეტულად კაპილარული ჟონვის სინდრომზე. ეს ინფორმაცია პრეპარატის აღწერას უნდა დაემატოს – უთითებს სააგენტო.
გარდა ამისა, ევროპის წამლების სააგენტო აანალიზებს სხვადასხვა ვაქცინით აცრილებს შორის მიოკარდის (გულის კუნთების ანთების) შემთხვევებს – “დოიჩე ველე” წერს.
მსოფლიო პანდემიას სხვადასხვა მეთოდებით ებრძვის. სულ დედამიწაზე კოვიდ-19-ის დაახლოებით 175 მილიონი შემთხვევა დაფიქსირდა, დაავადებულთაგან დაახლოებით 3,8 მილიონი ადამიანი გარდაიცვალა, 159 მილიონი პაციენტი კი გამოჯანმრთელდა – ასეთია 11 ივნისის სტატისტიკა.
