ესტონეთის პრემიერ-მინისტრი გადადგა

region
ავტ.: region იანვარი 13, 2021 10:50

ესტონეთის პრემიერ-მინისტრი გადადგა

კორუფციული სკანდალის გამო ესტონეთის პრემიერ-მინისტრი გადადგა. იური რატასმა ამის შესახებ განაცხადება ცოტა ხნის წინ გაავრცელა.

„პოლიტიკაში რთული გადაწყვეტილებების გადასაჭრელად რთული არჩევანის გაკეთება გიწევს. შექმნილ სიტუაციაში, ჩემი ღირებულებებიდან გამომიდინარე, მივიღე გადაწყვეტილება, გადავდგე პრემიერ-მინისტრის თანმდებობიდან“,- წერს რატასი.

ესტონეთის მთავრობის მეთურის გადადგომას წინ უძღოდა პროკურატურის გადაწყვეტილება, რომლის მიხედვითაც ცენტრისტული პარტიის მაღალჩინოსნები კორუფციაში დაადანაშაულეს. პროკურატურის ცნობით, ბრალდებულებს შორის არის პარტიის გენერლაური მდივანი მიხაი კორბი. გამოძიების მიხედვით, კორბმა ესტონელ ბიზნესმენს სთხოვა, პარტია წელიწადში ერთი მილიონი ევროთი დააფნანსოს, სანაცვლოდ კი ბიზნესმენს ტალინში სამშენებლო პროექტის დასაფინანსებლად სახელმწიფო სააგენტოდან სესხად 39 მილიონ ევროს გამოყოფას დაჰპირდა.

region
ავტ.: region იანვარი 13, 2021 10:50