13 აპრილს ერევანში დაწყებული მასშტაბური სადღე-ღამისო საპროტესტო ტალღა, რომელიც ხელისუფლებიდან ყოფილი პრეზიდენტისა და ამჟამინდელი პრემიერის სერჟ სარგსიანის გადაყენებას ისახავს მიზნად, თანდათან ანტირუსული კამპანიის სახესაც ღებულობს, რადგან სომეხ ახალგაზრდებს, არსებული ხელისუფლების გამამყარებელ ძალად, სწორედ რუსეთის ხელისუფლება მიაჩნიათ.
ოპოზიციური სომხური მედიის ცნობით, ერევანში მიმდინარე საპროტესტო მსვლელობებში ახალგაზრდები ანტირუსული სლოგანებით გამოჩნდნენ, სადაც ისინი რუსების საოკუპაციო ძალების გასვლას ითხოვენ სომხეთის ტერიტორიიდან.
