თურქეთის პრეზიდენტმა რეჯეპ ტაიპ ერდორანმა განაცხადა, რომ ნიდერლანდების მთავრობაში “ნაცისტებისა და ფაშისტების ნარჩენები” არიან, იმის გამო, რომ მათ თურქეთის საგარეო საქმეთა მინისტრის თვითმფრინავს უფლება არ მისცეს ქვეყანაში დაშვებულიყო.
ნიდერლანდების პრემიერ-მინისტრმა მარკ რიუტემ ერდორანის განცხადებას “დაუბალანსებელი” უწოდა. “ცხადია, ეს სრულიად გიჟური შენიშვნაა” – თქვა რიუტემ.
თურქეთმა, აღნიშნულთან დაკავშირებით, ნიდერლანდების ელჩი საგარეო უწყებაში გამოიძახა.
ჩავუშოღლუ დღეს როტერდამში თურქული საზოგადოების მიტინგს უნდა დასწრებოდა, სადაც ის საკონსტიტუციო ცვლილებების შესახებ სიტყვით უნდა გამოსულიყო.