კოდორის ხეობაში სატვირთო მანქანა, რომელსაც აფხაზი ე.წ მესაზღვრეები გადაჰყავდა ხევში გადავარდა. შემთხვევა გუშინ საღამოს სოფელ ჩხალთასთან მოხდა, რომელიც სოხუმიდან 50 კმ-ში მდებარეობს..
მანქანაში მძღოლის ჩათვლით 6 ადამიანი იმყოფებოდა, 3 მათგანი აფხაზეთის ე.წ სწრაფი რეაგირების ძალების, 2 კი კონტრაქტორი ჯარისკაცი იყო. შემთხვევის შედეგად გარდაიცვალა მძღოლი, მგზავრები კი სხვადასხვა დაზიანებებით სოხუმის საავადმყოფოში გადაიყვანეს. მძღოლის ცხედრის აღმოჩენა მდინარეში მხოლოდ დღეს დილით მოხერხდა.
