დმანისში ავტოავარიის შედეგად 24 წლის ბაჩანა აბრალავა გარდაიცვალა. როგორც “თაიმერს” შინაგან საქმეთა სამინისტროში განუცხადეს, საქმის ძიება სისხლის სამართლის კოდექსის 276-ე მუხლის მე-5 ნაწილით მიმდინარეობს,რაც ტრანსპორტის მოძრაობისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია. დაღუპილი წალენჯიხის მკვიდრია, რომელიც რუსთავში დასთან სტუმრად იმყოფებოდა.