საგუშაგოსთან სამოქალაქო მოძრაობა „ძალა ერთობაშიას“ აქტივისტის დავით ქაცარავას განცხადებით, ადგილზე მთელი ღამის განმავლობაში დარჩებიან და ხვალ ხურვალეთში შესვლას ეცდებიან. როგორც ქაცარავამ ჟურნალისტებს განუცხადა რუსები თავად არ უნახავს და ადგილზე მყოფ ლუდა სალიას ენდნენ.
„არ მინახავს რუსები დღეს. ლუდა სალია არის ის ადამიანი, გულმხურვალე პატრიოტი, საღი ადამიანი, რომელმაც გაავრცელა ინფორმაცია და ჩვენ მას ვენდეთ. ეს ინფორმაცია გამაგრებული იყო ბაღის მეპატრონის ინფორმაციით. მხოლოდ და მხოლოდ დილით, როდესაც მოგვეცემა შესაძლებლობა ადგილზე შესვლის, გავაკეთებთ ჩვენ დასკვნებს“, – განაცხადა დავით ქაცარავამ.
