დავით კირკიტაძის საქმეზე მომდევნო სასამართლო პროცესი 3 მაისს ჩაინიშნა

region
: region აპრილი 19, 2019 15:57

დავით კირკიტაძის საქმეზე მომდევნო სასამართლო პროცესი 3 მაისს ჩაინიშნა

დავით კირკიტაძის მორიგი სასამართლო პროცესი გურჯაანის რაიონულ სასამართლოში 3 მაისს ჩაინიშნა. დღევანდელ პროცესზე კი ბრალდების მხარის 4 მოწმე დაიკითხა. მოსამართლის ნუნუ ნემსიწვერიძის გადაწყვეტილებით, სხდომა კვლავ დახურულ რეჟიმში წარიმართა და მას მხოლოდ ოფიციალური მხარეები ესწრებოდნენ.

კირკიტაძის ადვოკატის, გიორგი კონდახიშვილის განმარტებით, განსაკუთრებულ დავალებათა დეპარტამენტის თანამშრომლებმა 16 დეკემბერს განვითარებულ მოვლენებთან დაკავშირებულ კითხვებს უპასუხეს. შემდეგ სასამართლო პროცესებზე კი დაცვის მხარის მტკიცებულებების მოკვლევა დაიწყება.

„ამჟამად ჩვენ ვიკვლევთ ბრალდების მხარეს მტკიცებულებებს. გამოცხადდა 4 მოწმე, ესენი იყვნენ შინაგან საქმეთა სამინისტროს თანამშრომლები, რომლებმაც აღიდგინეს იმ დღევანდელი მოვლენები, კონკრეტულად ინაუგურაციასთან დაკავშირებით და საზოგადოების ფაქტობრივად ველისციხეში განვითარებულ მოვლენებზე იყო საუბარი. უკეთესი იქნება ყველაფერი ეს ღია საჯარო პროცესზე ჩატარდეს ხოლმე, რა თქმა უნდა არის მაღალი საზოგადოებრივი ინტერესი. არგუმენტაციით შევეცადეთ მოსამართლე დაგვერწმუნებინა, რომ არავითარი წესრიგის დარღვევის პრეცედენტები არ ყოფილა იმდაგვარი, რომ საბოლოოდ ყოფილიყო სხდომა დახურული, თუმცა სამწუხაროდ არ იქნა ეს გათვალისწინებული,“ – განაცხადა გიორგი კონდახიშვილმა.

საქმის პროკურორმა სხდომის დახურვის მიზეზები განმარტა. სანდრო გიორგაშვილის განცხადებით,სხდომის დახურვის მიზეზი, დამსწრეთა ხმაური იყო.

„გრძელდება ბრალდების მხარის მოწმეთა დაკითხვა. დღეს გამოკითხულ იყვნენ განსაკუთრებულ დავალებათა დეპარტამენტის თანამშრომლები, 4 მოწმე იქნა გამოკითხული. კანონის თანახმად მოსამართლეს აქვს უფლება საქმის გარემოებიდან გამომდინარე სრულად ან ნაწილობრივ დახუროს სასამართლო სხდომა. რამდენჯერმე იყვნენ გაფრთხილებულნი დარბაზში მსხდომები, რომ ხელი არ შეეშალათ სასამართლოს ნორმალური მსვლელობისთვის. მათი მხრიდან არა ერთ გზის ადგილი ჰქონდა წესრიგის დარღვევას და ფაქტიურად იძულებული გახდა მოსამართლე მიეღო აღნიშნული გადაწყვეტილება,“ – აცხადებს სანდრო გიორგაშვილი.

region
: region აპრილი 19, 2019 15:57

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics