ე.წ. ქურდული სამყაროს წევრობაში ბრალდებულ დავით ჩაჩიბაიას (გერლიანი) შესაძლოა, აღკვეთის ღონისძიება – პატიმრობა შეეცვალოს.
როგორც ბრალდებულის ადვოკატმა, თამარ აბესაძემ განაცხადა, დღეს ელოდებიან ჩაჩიბაიას გათავისუფლებას, ვინაიდან 2-თვიანი პატიმრობის ვადა გავიდა და სასამართლომ აღკვეთის ღონისძიებას უნდა გადახედოს, პატიმრობის გაგრძელების საფუძვლები კი არ არსებობს.
მისივე განმარტებით, ბრალდებული დანაშაულს არ აღიარებს და არც პროკურატურასთან აქვს შეთანხმება საპროცესო შეთანხმებაზე.
დღეს ჩაჩიბაიას საქმეზე წინასასამართლო სხდომა იმართება, სადაც მხარეები შუამდგომლობებს დააყენებენ.
ჩაჩიბაიას ექსტრადირება ორი თვის წინ უკრაინიდან განხორციელდა.
