ბრიუსელში დღეს ნატოს ორდღიანი მინისტერიალი იწყება. შეხვედრაში ალიანსის წევრი და პარტნიორი ქვეყნების საგარეო საქმეთა მინისტრები მონაწილეობენ.
მინისტერიალის ფარგლებში გაიმართება ნატო-საქართველოს კომისიის სხდომაც, რომელზეც თანამშრომლობის გარდა, შავი ზღვის უსაფრთხოების საკითხზეც იმსჯელებენ.
ალიანსის გენერალური მდივნის მიერ გაკეთებული განცხადების მიხედვით, მინისტერიალი ღია კარის პოლიტიკისადმი მიძღვნილი შეხვედრით დასრულდება.
საგარეო საქმეთა მინისტრების დონეზე ნატო-საქართველოს კომისიის სხდომა 6 დეკემბერს ჩატარდება.
