დიდ ბრიტანეთში დიდი სკანდალი აგორდა ახალი ამბები წამყვანის, მუსლიმი ფატიმა მანჯის ირგვლივ, რომელმაც ნიცას ტერაქტი ხიჯაბში (ქალთა მუსლიმურ სამოსში) გააშუქა – The Guardian-ი წერს.
მანჯიმ Channel 4-ის ეთერში 15 ივლისს ნიცის ტერაქტის მომხდარ მოვლენებზე ისაუბრა, რომლის დროსაც ტერორისტმა სატვირთო მანქანით 84 ადამიანი მოკლა და ასობით დააზიანა. გუშინ ტაბლოიდმა The Sun ყოფილი რედაქტორის სვეტი გამოაქვეყნა – “კიდევ ერთი შოკისმომგვრელი მოვლენა, რომელიც მუსლიმმა ჩაიდინა”, ხიჯაბ-მოხვეული ჟურნალისტის მიერ იქნა გაშუქებული – დაწერა კელვინ მაკკეინმა.
“საკუთარ თვალებს არ ვუჯერებდი” – განაცხადა მაკკეინმა.
The Sun -ის მკითხველებში, ავტორის პოზიციამ აღშფოთება გამოიწვია და მისმა სვეტმა 300-ზე მეტი საჩივარი მიიღო. .
Channel 4-მა “სანის” ყოფილი რედაქტორი არაპროფესიონალიზმში დაადანაშაულა და განაცხადა, რომ მის მიერ გამოთქმული აზრები “რელიგიური და რასობრივი სიძულვილის გაღვივების ტოლია”.
“სანი” ჟურნალისტთა ეროვნულმა კავშირმაც გააკრიტიკა.
