ბათუმში კორონავირუსზე 25 ადამიანი გამოიკვლიეს, აქედან ოც პაციენტს COVID 19 არ დაუდასტურდა. ხუთის ანალიზის პასუხი კი დღის ბოლოს იქნება ცნობილი.
როგორც აჭარის ჯანდაცვის სამინისტროში განმარტეს, პაციენტების უმრავლესობამ საეჭვო სიმპტომებით კლინიკას თვითდინებით მიმართა, ორი სარფის საბჟოდან გადაიყვანეს და ორიც თვითიზოლაციის რეჟიმიდან.
აჭარაში სულ 12 საკარანტინო სივრცეა, სადაც 2000-მდე პირი იმყოფება. ზედამხვედველობის პერიოდის გასვლის შემდეგ კარანტინი 400 მოქალაქემ დატოვა
საქართველოში კორონავირუსის 115 შემთხვევა დადასტურდა. ამ დროისთვის ქვეყანაში კორონავირუსისგან 22 ადამიანი განიკურნა.
