აშშ-სა და სამხრეთ კორეის პრეზიდენტებმა კიმ ჩენ ინისა და ტრამპის მომავალი შეხვედრის დეტალებზე ისაუბრეს
აშშ-ს პრეზიდენტმა დონალდ ტრამპმა და სამხრეთ კორეის პრეზიდენტმა მუნ ჩჟე ინმა სატელეფონო დიალოგში ტრამპისა და ჩრდილოეთ კორეელი ლიდერის კიმ ჩენ ინის მომავალი შეხვედრის დეტალებზე ისაუბრეს. თეთრი სახლის მიერ გავრცელებული ინფორმაციის თანახმად, “შექმნილია ძალიან კარგი სიტუაცია”, რომელიც, ასევე იაპონიის პრემიერმა სიძო აბემ დაადასტურა.
27 აპრილს ჩრდილოეთ და სამხრეთ კორეის ლიდერებმა სასაზღვრო სოფელში ისტორიული შეხვედრა გამართეს, სადაც ატომური განიარაღების შესახებ შეთანხმებას მიაღწიეს. გარდა ამისა, მათ ასევე ოფიციალურად დაასრულეს საომარი მდგომარეობა, რომელშიც ორივე მხარე 1950-იანი წლებიდან იმყოფებოდა. შეთანხმება ძალაში 1 მაისიდან შევა.
