საქართველოს პარლამენტის თავმჯდომარემ შალვა პაპუაშვილმა ადამ კინზინგერის, გერი კონოლისა და შეერთებული შტატების წარმომადგენელთა პალატას საქართველოს მხარდაჭერის აქტის მიღებისთვის და ამით, „პრინციპების კიდევ მეტად განმტკიცებისათვის“, მადლობა გადაუხადა. ამის შესახებ პოლიტიკოსი Twitter-ზე წერს.
მისი თქმით, აშშ-სა და საქართველოს სტრატეგიული პარტნიორობა „ყოვლისმომცველი, მუდმივად მზარდი, ღირებულებაზე დაფუძნებული 30-წლიანი კავშირია“.
„აშშ-საქართველოს სტრატეგიული პარტნიორობა ყოვლისმომცველი, მუდმივად მზარდი, ღირებულებაზე დაფუძნებული 30-წლიანი კავშირია. მადლობას გამოვხატავ ადამ კინზინგერის, გერი კონოლისა და შეერთებული შტატების წარმომადგენელთა პალატის მიმართ საქართველოს მხარდაჭერის აქტის მიღებისათვის და ამით, მათი პრინციპების კიდევ უფრო განმტკიცებისათვის“, – განაცხადა შლვა პაპუაშვილმა.
