აშშ-ს თავდაცვის უწყება თვლის, რომ შავი ზღვის რეგიონი და სამხრეთ კავკასია რუსეთის აგრესიული პოლიტიკისგან უფრო დაუცველი გახდა – ამის შესახებ ვაშინგტონში აშშ-ს თავდაცვის მინისტრის თანაშემწის მოადგილემ მაიკლ კარპენტერმა განაცხადა, რომელიც რამდენიმე ხნის წინ უკრაინაში ვიზიტით იმყოფებოდა. მისი თქმით, რუსეთმა რეგიონში გამოიყენა ყველა შესაძლო შოკური მეთოდი ეკონომიკურ-პოლიტიკურიდან დაწყებული სამხედროთი დასრულებული.
“არ არსებობს რუსეთის რევანშიზმისგან უფრო დაუცველი და მეტად დაზარალებული რეგიონი, ვიდრე შავი ზღვის რეგიონი და სამხრეთ კავკასიაა” – განაცხადა კარპენტერმა და აღნიშნა, რომ 2008 წელს საქართველოში და 2014 წელს უკრაინაში რუსეთის შეჭრა მსოფლიო წესრიგის სრული იგნორირებაა, მათ შორის სუვერენიტეტის და ტერიტოტიული მთელიანობის პრინციპების დარღვევა.
