აშშ-ს გამოძიების ფედერალურმა ბიურომ და იტალიის პოლიციამ ერთობლივი მასშტაბური ოპერაცია ჩაატარეს – სულ მასში დაახლოებით 210 სამართალდამცველი მონაწილეობდა. ოპერაცია Cosa Nostra-სა და მისი ამერიკული კლანის “გამბინოს” ირგვლივ მიმდინარე გამოძიების შედეგად განხორციელდა. გამოძიების კოდური სახელი იყო “ახალი კავშირი”. დაკავებულია 19 პირი. მათ თანხის გამოძალვაში, დანაშაულებრივი გაერთიანების ორგანიზებასა და თაღლითობაში ედებათ ბრალი. ამოღებულია დაახლოებით 3 მილიონის ღირებულების საქონელი – ამერიკული მედია წერს.
