საპარლამენტო უმრავლესობის ლიდერ არჩილ თალაკვაძის განცხადებით, ევროპული ტიპის პრემიერ-მინისტრი და მინისტრთა კაბინეტი იქნა არჩეული.
ამის შესახებ თალაკვაძემ პარლამენტის მიერ მთავრობის ნდობის გამოცხადების შემდეგ განაცხადა.
“ავირჩიეთ ევროპული ტიპის პრემიერ-მინისტრი და მინისტრთა კაბინეტი. ადამიანები, რომლებიც ახლოს არიან ხალხთან და ახლოს არიან ყოველთვის წარმატებულ შედეგებთან.
ჩვენ განვიხილეთ არაერთი შედეგი, რომელსაც მიაღწია ჩვენმა გუნდმა 4 წლის განმავლობაში. მათ წარმატებით შეასრულეს პირველი მისია და როგორც ყველა წარმატებული გუნდი, ახლა უფრო რთული გამოწვევის წინაშე დგანან”,-განაცხადა არჩილ თალაკვაძემ.