აფხაზეთის საოკუპაციო რეჟიმი ქართულ მხარეს მოუწოდებს, არ გამოიყენოს სოფელ ხურჩაში მომხდარი ტრაგიკული ინციდენტი ვითარების დაძაბვისთვის. ე.წ. საგარეო საქმეთა სამინისტროს მიერ გავრცელებულ განცხადებაში წერია, რომ საქართველო მომხდარით საინფორმაციო ომში პოლიტიკური ქულების დაწერას ცდილობს, რადგან აფხაზეთში არსებულ ვითარებას წარმოაჩენს, როგორც აბსოლუტურად უკონტროლოს და ინციდენტზე სრულ პასუხისმგებლობას რუსულ მხარეს აკისრებს. სოხუმის საოკუპაციო რეჟიმი მოუწოდებს საქართველოს ხელისუფლებას, ჟენევის მოლაპარაკებების მორიგ რაუნდამდე და გამოძიების დასრულებამდე თავი შეიკავოს შეფასებებისა და დასკვნების გაკეთებისგან.
