“თავისუფალი დემოკრატების” ერთ-ერთ ლიდერზე ალექსი პეტრიაშვილზე თავდასხმაში ბრალდებულ ლევან მექვაბიშვილის პროცესზე სამხარაულის ექსპერტები დაიკითხნენ. მათ დაადასტურეს, რომ დანაშაულის ჩადენის იარაღზე, კერძოდ ჩაქუჩზე აღმოჩენილი დნმ ბრალდებულის გენეტიკურ პროფილს ეკუთვნის. ექსპერტებმა მათ მიერ გაცემული დასკვნები დაადასტურეს, რომლის მიხედვითაც, შემთხვევის ადგილზე აღმოჩენილ ნივთმტკიცებებზე მექვაბიშვილის კვალი აღმოჩნდა.
ბრალდებულის ადვოკატმა ნოდარ თოფურიძემ აღკვეთის ღონისძიების დაპატიმრების 15 000 ლარიანი გირაოთი შეცვლა მოითხოვა. შუამდგომლობა მოსამართლე ნინო ნაჭყებიამ არ დააკმაყოფილა.
პროცესი 15 სექტემბრისთვის გადაიდო.
