ბათუმში, 11-12 მარტს განვითარებულ მოვლენებთან დაკავშირებით, არასამთავრობო ორგანიზაცია “კორუფციასთან ბრძოლის” საინფორმაციო ცენტრის ხელმძღვანელს მერაბ ღოღობერიძეს აჭარის პოლიციის მთავარ სამმართველოში კითხავენ. მან განმეორებითი დაკითხვა თავად მოითხოვა. ღოღობერიძის განცხადებით, დაკითხვა აჭარის პოლიციის უფროსის კახა ბუხრაძის მიერ 11-12 მარტის მოვლენებთან დაკავშირებით მიცემულ ჩვენებას უკავშირდება, სადაც ბუხრაძე დაკითხვისას მერაბ ღოღობერიძეზე საუბრობს.