სამართალდამცველებმა ყაჩაღობის ბრალდებით ერთი პირი დააკავეს. 1979 წელს დაბადებული გოჩა მ. დანაშაულის ადგილას ბათუმში აიყვანეს.
გამოძიებით დადგინდა, რომ ცეცხლსასროლი იარაღით შეიარაღებული გოჩა მ. ყაჩაღურად თავს დაესხა ბათუმში, ჭავჭავაძის ქუჩაზე მდებარე სლოტ-კლუბ ვეგასს, კლუბის დაცვის თანამშრომელს ცეცხლი გაუხსნა და თანხის გატაცებას შეეცადა.
გამოძიება ყაჩაღობის ფაქტზე მიმდინარეობს (საქართველოს სსკ-ის 179-ე მუხლის 1-ლი ნაწილით).
