ბიზნესმენმა არაბეთის გაერთიანებული ემირატებიდან, რომელმაც ინკოგნიტოდ დარჩენა არჩია, 5 მილიონ დოლარად აუქციონზე შეიძინა ავტომანქანის სანომრე ნიშანი „1“ – იუწყება BBC News. ამ განსაკუთრებული სანომრე ნიშნის მფლობელმა თავისი გადაწყვეტილება ახსნა სურვილით „ყოველთვის იყოს პირველი“. თუმცა, ეს არ არის სანომრე ნიშნის შესაძენად გადახდილი ყველაზე მაღალი თანხა. 2008 წ. არაბმა ბიზნესმენმა საიდ აბდულ გაფარ ქურიმ საქველმოქმედო აუქციონზე სანომრე ნიშანი 14,5 მილიონ დოლარად შეიძინა. არაბეთის გაერთიანებული ემირატების საგზაო პოლიცია რეგულარულად აწყობს საქველმოქმედო აუქციონებს.
