26 მაისი – 6 ქვეყნის პრეზიდენტი და დელეგაციები – სადღესასწაულო ღონისძიებები თბილისში

ქეთი ფერაძე
ავტ.: ქეთი ფერაძე მაისი 25, 2018 11:16

26 მაისი – 6 ქვეყნის პრეზიდენტი და დელეგაციები – სადღესასწაულო ღონისძიებები თბილისში

საქართველოს პირველი რესპუბლიკის 100 წლის იუბილეს აღსანიშნავად, გიორგი მარგველაშვილის მოწვევით, საქართველოს დღეს ლიეტუვას პრეზიდენტი დალია გრიბაუსკაიტე სახელმწიფო დელეგაციასთან ერთად ეწვევა.
პრეზიდენტის სასახლეში დახვედრის ოფიციალური ცერემონიის შემდეგ საქართველოსა და ლიეტუვას პრეზიდენტები პირისპირ შეხვედრას გამართავენ, რის შემდეგაც მედიისათვის ერთობლივ განცხადებებს გააკეთებენ.
საქართველოს დღეს ასევე ეწვევიან პოლონეთის, სლოვაკეთის, ლატვიის, ფინეთის, სომხეთისა და ევროკომისიის პრეზიდენტები.
პირველი რესპუბლიკის 100 წლისთავისადმი მიძღვნილ მთავარ საზეიმო ღონისძიებაზე, თავისუფლების მოედანზე, 6 ქვეყნის პრეზიდენტი და ევროკომისიის პრეზიდენტი ქართველ ხალხის წინაშე წარსდგებიან და საქართველოს მოქალაქეებს დამოუკიდებლობის ეროვნულ დღესასწაულს მიულოცავენ.
26 მაისს, საქართველოს დამოუკიდებლობის დღეს, პრეზიდენტის სასახლეში სახელმწიფოს მეთაურებისა და საერთაშორისო დელეგაციების ხელმძღვანელებისათვის დაგეგმილია დახვედრის ოფიციალური ცერემონია, რომელშიც ქართული მხრიდან მონაწილეობას მიიღებენ საქართველოს პრეზიდენტი, პრემიერ – მინისტრი და პარლამენტის თავმჯდომარე.

ქეთი ფერაძე
ავტ.: ქეთი ფერაძე მაისი 25, 2018 11:16

Google სტატისტიკა


4,416
ვიზიტორი
დღეში
Powered By Google Analytics