შეერთებული შტატების ყოფილი სახელმწიფო მდივანი ჰილარი კლინტონი კვირის ბოლოს დემოკრატების სახელით საპრეზიდენტო კანდიდატურის დასაყენებლად ემზადება. ამის შესახებ მედიას მისმა უახლოესმა გარემოცვამ განუცხადა, თუმცა ზუსტი დღე, როდის წამოაყენებს კლინტონი კანდიდატურას ჯერ უცნობია.
ამერიკული მედია ვარაუდობს, რომ ამის შესახებ ყოფილი სახელმწიფო მდივანი სოციალური ქსელის საშუალებით აცნობებს მოსახლეობას, რაც ახალგაზრდა ამომრჩეველთან უკეთ კომუნიკაციის საშუალებას მისცემს.
