რუსეთმა გააფართოვა ქვეყნების სია, რომელთა მიმართაც პროდუქტების ემბარგო იმოქმედებს. შესაბამისი გადაწყვეტილება პრემიერ-მინისტრმა დმიტრი მედვედევმა მიიღო.
გაფართოვებულ სიაში შევიდნენ ალბანეთი, ჩერნაგორია, ისლანდია და ლიხტენშტეინი. უკრაინა სიაში “განსაკუთრებული პირობებით” არის შესული.
საინფორმაციო სააგენტოების ინფორმაციით, უკრაინის პროდუქტებზე შეზღუდვა იმ შემთხვევაში დაწესდება, თუკი ევროკავშირთან ასოცირების ხელშეკრულება ამოქმედდება.
“სხვა ქვეყნებზე სანქციების გავრცელება რუსეთის მიერ მიღებული საპასუხო ზომებია” – განაცხადა მედვედევმა.
