აშშ-ს სამართალდამცველებმა პაბლო პიკასოს ნახატი იპოვეს, რომელიც საფრანგეთში 2001 წელს იქნა მოპარული – ამის შესახებ განცხადება ნიუ-იორკის დასავლეთ ნაწილის პროკურორმა გააკეთა.
კუბისტური ტილო La Coiffeuse (სტილისტი), რომელიც საფრანგეთის ხელისუფლების კუთვნილება იყო, პარიზიდან, პომპიდუს ცენტრის სამუზეუმო სათავსოდან იქნა მოპარული.
დეკემბერში ნახატი ბელგიიდან აშშ-ში იქნა გადაგზავნილი. დოკუმენტებში ის გაფორმდა როგორც „მხატვრული ასლი“ რომლის ღირებულება 30 ევროა. გზავნილის ნიუ-იორკში ჩამოსვლისას საბაჟო სამსახურმა ნახატი ამოიღო, რომლის შემდეგაც ბრუკლინის სასამართლოში საჩივარი კონტრაბანდის ბრალდებით შევიდა.
როგორც სპეციალისტები ამბობენ, ნახატი, რომელიც 1911 წელს არის შესრულებული მილიონობით დოლარი ღირს.
