29 სექტემბრის 11:00 საათის მონაცემებით, კახეთის რეგიონში გადამუშავებულია 84 ათასი ტონა ყურძენი. რთველის მიმდინარეობის შესახებ სოფლის მეურნეობის მინისტრმა, ოთარ დანელიამ დღეს ბრიფინგი გამართა და ყურძნის გადამუშავების საკითხებზე დეტალურად ისაუბრა.
მინისტრის ინფორმაციით, გადამუშავებულია რქაწითელი – 39,5 ათასი ტონა, საფერავი – 33,5 ათას ტონა, 2 ათას ტონამდე კახური მწვანე და 9 ათას ტონამდე სხვა ჯიშის ყურძენი. ყურძნის რეალიზაციის შედეგად მიღებულმა შემოსავლებმა რეგიონში 52 მლნ ლარს მიაღწია. ღვინის კომპანიებს ყურძენი 11 ათასამდე მევენახემ ჩააბარა.
ყველაზე დიდი რაოდენობით ყურძენი გადამუშავდა გურჯაანის მუნიციპალიტეტში – 29 ათას ტონამდე. დანარჩენი მუნიციპალიტეტების მონაცემებია: თელავი – 17,5 ათასი ტონა, ყვარელი – 15,5 ათასი ტონა, სიღნაღი – 7,3 ათასი ტონა, ლაგოდეხი- 6,7 ათასი ტონა, საგარეჯო – 3,5 ათასი ტონა, ახმეტა – 2,2 ათასი ტონა და დედოფლისწყარო – 2,1 ათასი ტონა.
24 სექტემბერს დღეღამური გადამუშავების ბოლო 25 წლის რეკორდული მაჩვენებელი – 7 100 ტონა ყურძენი დაფიქსირდა.
ამ ეტაპზე გადამუშავების პროცესში ჩართულია 67 კერძო და სახელმწიფოს მიერ დაქირავებული 18 ღვინის საწარმო.
