სახელმიწფო უსაფრთხოების სააგენტოს უფროსის მოადგილე ლევან იზორია თავის ძმაზე და ე.წ. “ნარუშილოვკის” სკანდალზე პირველ კომენტარს აკეთებს. როგორც მან ჟურნალისტებს განუცხადა, ფაქტზე გამოძიება დაწყებულია.
თუმცა კითხვაზე ბრალის დამტკიცების შემთხვევაში, დაისჯება თუ არა მისი ძმა და მასზე ე.წ. “ნარუშილოვკის” გამცემი პირი, იზორიამ პასუხი არ გასცა.
შეგახსენებთ, რომ პოლიციის უფროსმა ლეიტენანტმა, გიორგი ბაბუნაშვილმა სააგენტო “თაიმერს” ექსკლუზიური ინტერვიუ მისცა და სკანდალური ჩანაწერებიც გადასცა რის შემდეგ, საქართველო დატოვა და ევროპაში პოლიტიკური თავშესაფარი ითხოვა. გამგზავრებამდე მან შინაგან საქმეთა სამინსიტროს მაღალჩინოსნების წინააღდეგ კომპრომატები საინფორმაციო სააგენტო თაიმერს დაუტოვა და მისი გავრცელება სთხოვა. ერთ-ერთი ვიდეოჩანაწერის მთავარი გმირი სახელმიწფო უსაფრთხოების სააგენტოს უფროსის მოადგილის ლევან იზორიას ძმაა.