აშშ-ს პრეზიდენტმა ბარაკ ობამამ ემიგრანტებს მოუწოდა აქტიურად მიიღონ ამერიკის მოქალაქეობა. ამის შესახებ Associated Press წერს. თავის ვიდეომიმართვაში, რომელიც მოქალაქის დღეს ეძღვნებოდა და რომელიც 17 სექტემბერს აღინიშნება, ობამამ განაცხადა: “თუკი თქვენ მოქალაქეობის მიღების უფლება გაქვთ, მაშინ, დაიწყეთ ეს პროცესი დღეს. შემოგვიერთდით – ამერიკას ერთად გავხდით ძლიერს”.
დღეის მონაცემებით აშშ-ში დაახლოებით 13, 3 მილიონი მიგრანტი ცხოვრობს, აქედან 8,8 მილიონს უფლება აქვთ მოქალაქეობაზე პრეტენზია გამოთქვას.
ბარაკ ობამამ, 2012 წლის არჩევნებზე ამომრჩეველს საემიგრაციო სისტემის რეფორმას დაჰპირდა.