ინდოეთის მადჰია-პრადეშის შტატში ერთ-ერთ რესტორანში მომხდარი აფეთქების შედეგად 80-ზე მეტი ადამიანი დაიღუპა. ადგილობრივი ხელისუფლების ინფორმაციით, შემთხვევა მაშინ მოხდა, როდესაც რესტორანში ათობით ადამიანი საუზმობდა. ჯერ უცნობია მომხდარის გამომწვევი მიზეზები. პოლიციის წინასწარი ვარაუდით, ბუნებრივი აირის ავზი აფეთქდა, რასაც ხანძარიც მოჰყვა. შემთხვევის ადგილაზე სამაშველო სამუშაოები ამ დრომდე მიმდინარეობს. CNN-ის ცნობით, ადამიანების ნაწილი ევაკუირებულია, დაახლოებით 20-მდე დაშავებული საავადმყოფოში გადაიყვანეს.
