საქართველოს პრეზიდენტი გიორგი მარგველაშვილი სომხეთში გენოციდისადმი მიძღვნილ ღონისძიებას 24 აპრილს ვერ დაესწრება.
ადმინისტრაციაში განმარტავენ, რომ თარიღს ემთხვევა საქართველოში ბელორუსის პრეზიდენტის პირველი ოფიციალური ვიზიტი, რომელიც 1 წელი მზადდებოდა.
„საქართველოს პრეზიდენტის მიმართ შემოთავაზება იყო, თუმცა 24 აპრილი არის ის დღე, როდესაც საქართველოს პრეზიდენტს სტუმრად ყავს სხვა ქვეყნის პრეზიდენტი,“ – განაცხადა საქართველოს პრეზიდენტის მრჩეველმა, საგარეო ურთიერთობათა მდივანმა თენგიზ ფხალაძემ.
შეგახსენებთ, რომ საქართველოს პარლამენტი, ოსმალეთის იმპერიაში სომეხთა გენოციდის 100 წლისთავისადმი მიძღვნილ ღონისძიებაზე დასწრებას გეგმავს.
