აშშ-ის არმია პრორუსი სეპარატისტების წინააღმდეგ მებრძოლი უკრაინელი სამხედროების გაწვრთნას მომავალი თვიდან დაიწყებს. “როიტერის” ცნობით, ამის შესახებ ევროპაში აშშ-ის არმიის მეთაური ბენ ჰოჯესი იტყობინება. ჰოჯესის ინფორმაციით, საწვრთნელი მისია მარტში დაიწყება, რომლის ფარგლებშიც ამერიკელი სამხედროების ერთი ბატალიონი უკრაინის არმიის სამ ბატალიონს გაწვრთნის.
“ჩვენ მათ უსაფრთხოების უზრუნველყოფის და სამედიცინო საკითხებში გავწვრთნით, ასევე ვასწავლით, თუ როგორ უნდა დაიცვან თავი რუსეთისა და ამბოხებულების არტილერიისგან”, – განაცხადა ჰოჯესმა.
