უკრაინის პრეზიდენტი, პეტერ პოროშენკო აგრომრეწველობასა და მედიაბიზნესში აქტივებს ფლობს – უკრაინული “ზერკალო ნედელი” 15 კომპანიის სიას აქვეყნებს, რომელსაც ქვეყნის მეთაური აკონტროლებს.
მედიის მტკიცებით, პოროშენკო ფლობს ტელეკომპანიებს “ენბი ემი” და “ექსპრეს ინფო”, სოფლის მეურნეობის ფირმას “ივანკოვცი”, “მაკ-აგრო”, “დნეპრაგპოლანი”, ქარხანას “ლენინსკაია კუზნია” და სხვა. გამოცემა ამტკიცებს, რომ პრეზიდენტის აქტივებს ნდობით აღჭურვილი ფონდები მართავენ, თვითონ კი “საკუთარი ბიზნესი არასდროს გაუშვია ხელიდან და მას ყოველთვის ლობირებდა და წინ წევდა”.
7 აპრილს კომპანია Rothschild Group-მა განაცხადა ფონდის შექმის შესახებ, რომელიც უკრაინის პრეზიდენტის აქტივების მართვას დაიწყებს, მათ შორის საუბარია, საკონდიტრო კომპანია Roshen-ზე.
4 აპრილს პრეზიდენტის წარმომადგენლებმა განაცხადეს, რომ ოფშორულ კომპანიაში ფირმის ქონა უკრაინის კანონმდებლობას არ არღვევს.
შეგახსენებთ,რომ ე.წ. “პანამის დოკუმენტებში”, რომელიც საერთაშორისო ჟურნალისტ-გამომძიებლების კონსორციუმმა 3 აპრილს გამოაქვეყნა, უკრაინის პრეზიდენტის სახელიც ფიგურირებს.
ჟურნალისტებმა იმ ოფშორული კომპანიების სია გამოაქვეყნებს, რომლებიც სხვადასხვა თანამდებობის პირს არა აქვს დეკლარირებული.