დემოკრატიული პარტიის 50-ზე მეტი კონგრესმენი დონალდ ტრამპის ინაუგურაციის ბოიკოტირებას აპირებს, ადრე ინაუგურაციის ცერემონიისთვის ბოიკოტის გამოცხადებას 26 კონგრესმენი აპირებდა.
ისინი გადაწყვეტილებას ტრამპის და კონგრესმენ ჯონ ლუისის კამათით ხსნიან – ლუისი ადამიანის უფლებების ცნობილი დამცველია და ის ბევრი ამერიკელისთვის გმირია – “ბიბისი” წერს.
კონგრესმენმა ტრამპს “არალეგალი პრეზიდენტი” უწოდა რუსეთის მიერ აშშ-ს არჩევნებში ჩარევის გამო. საპასუხოდ, ტრამპმა “ტვიტერზე” უპასუხა: “ეს ყველაფერი ბოდვაა, ბოდვაა, ბოდვაა – და არანაირი მოქმედება და შედეგი”.
ტრამპის სიტყვები ბევრმა კონგრესმენმა ლუსისის შეურაცხყოფად მიიღო და ტრამპს “დანაწილებისა და სიძულვილის” პოლიტიკაში დასდო ბრალი.
ტრამპმა აღნიშნული შემთხვევების შემდეგადაც გააგრძელა ლუისის გაკრიტიკება.
