თურქეთში მომხდარი სახელმწიფო გადარტიალების მცდელობის ფაქტის გამოძიების ფარგლებში დღეს ახალი მონაცემები გავრცელდა.გადატრიალების მცდელობის ბრალდებით დაკავებულია 22 ათასი ადამიანი – ამის შესახებ თურქეთის იუსტიციის მინისტრმა ბეკირ ბოზაგმა განაცხადა -წერს “ანადოლუ”.მისი თქმით, დაკავებულთა შორის 16 ათასი ოფიციალურად ციხეშია გადაყვანილი, 7668 ადამიანის საქმე კი განხილვის პროცესშია.
ბოზდაგმა ასევე განაცხადა, რომ “ყველამ კარგად იცის” ის, რომ რევოლუციის მცდელობის უკან აშშ-ში მცხოვრები ფეხტულახ გიულენი დგას.
“ისინი (აშშ-რედ) გიულენის ექსტრადაციის საკითხს განიხილავენ და საქმეს ყურადღებით სწავლობენ. ვფიქრობ, ეს კარგი ნიშანია” – განაცხადა ბოზდაგმა.
თვითონ გიულენი პირველივე დღიდან უარყოფს პუტჩთან რაიმე სახის კავშირს, რომლის შედეგადაც 270-ზე მეტი ადამიანი დაიღუპა და ორი ათასზე მეტი დაიჭრა.
“თუკი აშშ-ს მთვავრობა 80 წლის მოხუცს თვითმფერინავში ჩასვამს და თურქეთში გააგზავნის იმიტომ, რომ იქ ის დაიჭირონ, ეს შოკისმომგვრელი იქნება” – ამბობს გიულენის ადვოკატი.
ამბოხების მცდელობის შემდეგ სამსახურებიდან განთავისუფლებულია ათობით ათასი ადამიანი.
გუშინ გავრცელდა, რომ აღნიშნულ საქმეზე ათამდე უცხო ქვეყნის მოქალაქეა დაკავებული.
