ფანასკერტელის ქუჩაზე დაჭრილი მამაკაცი რეანიმაციულ განყოფილებაში რჩება

ქეთი ფერაძე
: ქეთი ფერაძე აპრილი 12, 2018 13:30

ფანასკერტელის ქუჩაზე დაჭრილი მამაკაცი რეანიმაციულ განყოფილებაში რჩება

თბილისში, ფანასკერტელის ქუჩაზე დაჭრილი მამაკაცი რეანიმაციულ განყოფილებაში რჩება. ამის შესახებ განცხადება მედიასთან რესპუბლიკური საავადმყოფოს ექიმმა, ირაკლი ფიფიამ გააკეთა.

მისი განცხადებით, მამაკაცს ჭრილობები სავარაუდოდ საფანტის იარაღით გულ-მკერდის, მუცლისა და მარცხენა მხრის არეში ჰქონდა მიყენებული. ექიმის ცნობით, პაციენტის მდგომარეობა ამჟამად სტაბილურად მძიმეა და ის კლინიკაში კიდევ რამდენიმე დღეს დარჩება.

„ჭრილობა იყო შემავალი გულ-მკერდისა და მუცლის ღრუში. სასწრაფო წესით გაუკეთდა ოპერაცია. პაციენტი ოპერაციის შემდეგ გადაიყვანეს რეანიმაციულ განყოფილებაში. იმყოფება რეანიმაციულ განყოფილებაში. ამჟამად ქირურგიულ ჩარევას არ საჭიროებს“, – განცხადა ირაკლი ფიფიამ.

ფანასკერტელის ქუჩაზე 45 წლამდე მამაკაცი გუშინ გვიან ღამით ცეცხლსასროლი იარაღით დაჭრეს.

საქმეზე გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

ქეთი ფერაძე
: ქეთი ფერაძე აპრილი 12, 2018 13:30

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,595
ვიზიტორი
დღეში
Powered By Google Analytics