ლანჩხუთის მუნიციპალიტეტის სოფელ ახალსოფლის საზღვართან 55 წლის მამაკაცი მატარებელმა გაიტანა. მამაკაცი შემთხვევის ადგილზევე გარდაიცვალა.
წინასწარი ინფორმაციით, მამაკაცს მატარებელი იმ დროს დაეჯახა, როდესაც ის სარკინიგზო ლიანდაგზე გადადიოდა.
შემთხვევის ადგილას ექსპერტ-კრიმინალისტები მუშაობენ.
შსს-ს ინფორმაციით, მომხდარზე გამოძიება 275-ე მუხლის მესამე ნაწილით მიმდინარეობს, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
