ერთდოლარიანი კუპიურები, ფეხტულახ გიულენის მომხრეებში, განსაკუთრებული მნიშვნელობით გამოიყენება და ისინი გარკვეულ დაფარულ აზრს ატარებენ – განაცხადა თურქეთის იუსტიციის მინისტრმა ბეკირ ბოზდაგმა – სააგენტო Anadolu წერს.
სამხედრო გადატრიალების მცდელობაში მონაწილეების დკავებისას, პოლიციამ ერთდოლარიანების დიდი რაოდენობა ამოიღო. ადრე სააგენტომ გაავრცელა გამოძიების ერთ-ერთი ვერსია – მათი აზრით, ბანკნოტის სერიული ნომრითა და შემადგენელი ასოებით განისაზღვრება გიულენის ორგანიზაციაში ადამიანის მდგომარეობა.
მაგალითად, ასო F გიულენის იერარქიის უმაღლეს საფეხურს ნიშნავს. ამბოხებულებს დაბალი რანგი ჰქონდათ, ამიტომ, მათი ერთდოლარიანი კუპიურები J და C ასოებს შეიცავდა. მედიის აზრით, მუსლიმი მქადაგებელი კუპიურებზე გარკვეულ ტექსტებს კითხულობა, სულს უბერავდა და თურქეთში აგზავნიდა.
დღეს ოფიციალური თურქეთის მიერ გავრცელებული ინფორმაციით, ამბოხების მცდელობაში მონაწილეობის ბრალდებით 16 ათასზე მეტი ადამიანი დააკავეს.