დღეს დაღესტანში არქიტექტურის მინისტრის დროებითი შემსრულებელი იბრაჰიმ კაზიბეკოვი გაუჩინარდა. მას ვერ პოულობენ ვერც სახლში და ვერც სამსახურში. ერთ-ერთი ვერსიით, მინისტრმა რუსეთი დატოვა და უკრაინაში გადავიდა. შესაძლებელია, მისი გაუჩინარება ეხებოდეს მიმდინარე გამოძიებას, რომელიც დიდი ოდენობით სახელმწიფო ქონების გაფლანგვას და თაღლითობას ეხება. მას ბრალი ედება დაღესტანის პრემიერ-მინისტრთან თანამშრომლობაში, რომელიც თაღლითობის მუხლით არის დაკავებული.
