ბრიუსელში სკოლები გაიხსნა, საზოგადოებრივმა ტრანსპორტმა და მეტროპოლიტენმა მუშაობა განაახლა. “ბიბისი” აღნიშნავს, რომ ბელგიის დედაქალაქში უმაღლესი ტერორისტული საფრთხის დონე კვლავ მოქმედებს, ასობით შეიარაღებული სამართალდამცველი და ჯარისკაცი ქუჩებში პატრულირებს.
ბოლო მონაცემებით, ბელგიის სამართალდამცავმა ორგანოებმა პარიზის ტერაქტებთან კავშირში 5 ადამიანი დააკავეს. კიდევ ერთ ეჭვმიტანილს ამ დრომდე ეძებენ.
13 ნოემბერს პარიზის ტერაქტების დროს 130 ადამიანი დაიღუპა. მომხდარზე პასუხისმგებლობა “ისლამურმა სახელმწიფომ” აიღო.
წყარო: www.ipn.ge
